×
Faster & lighter experience

Baad mein install karein

⋮
Menu dabayein
📲
Add to Home Screen
    Detecting Location...
    NEXT EVENT --:--:--
    SEHRI --:--
    IFTAR --:--
    📅 View Full Calendar
    Home
    پروین شاکر

    رنگ خوش بو میں اگر حل ہو جائے

    رنگ خوش بو میں اگر حل ہو جائے
    وصل کا خواب مکمل ہو جائے

    چاند کا چوما ہوا سرخ گلاب
    تیتری دیکھے تو پاگل ہو جائے

    میں اندھیروں کو اجالوں ایسے
    تیرگی آنکھ کا کاجل ہو جائے

    دوش پر بارشیں لے کے گھومیں
    میں ہوا اور وہ بادل ہو جائے

    نرم سبزے پہ ذرا جھک کے چلے
    شبنمی رات کا آنچل ہو جائے

    عمر بھر تھامے رہے خوش بو کو
    پھول کا ہاتھ مگر شل ہو جائے

    چڑیا پتوں میں سمٹ کر سوئے
    پیڑ یوں پھیلے کہ جنگل ہو جائے


    ...
    مزید دیکھیں

    کبھی معانی میں غلطی ہو سکتی ہے۔

    SuFi Lab