افسوس کہ دنداں کا کیا رزق فلک نے

جن لوگوں کی تھی در خور عقد گہر انگشت

کافی ہے نشانی ترا چھلے کا نہ دینا

خالی مجھے دکھلا کے بہ وقت سفر انگشت

لکھتا ہوں اسدؔ سوزش دل سے سخن گرم

تا رکھ نہ سکے کوئی مرے حرف پر انگشت

جاتا ہوں جدھر سب کی اٹھے ہے ادھر انگشت

یک دست جہاں مجھ سے پھرا ہے مگر انگشت

مژگاں کی محبت میں جو انگشت نما ہوں

لگتی ہے مجھے تیر کے مانند ہر انگشت

گرمی ہے زباں کی سبب سوختن جاں

ہر شمع شہادت کو ہے یاں سربسر انگشت

ہر غنچۂ گل صورت یک قطرۂ خوں ہے

دیکھا ہے کسو کا جو حنا بستہ سر انگشت

خوں دل میں جو میرے نہیں باقی تو عجب کیا

جوں ماہیٔ بے آب تڑپتی ہے ہر انگشت

شوخی تری کہہ دیتی ہے احوال ہمارا

راز دل صد پارہ کی ہے پردہ در انگشت

کس رتبہ میں باریکی و نرمی ہے کہ جوں گل

آتی نہیں پنجہ میں بس اس کے نظر انگشت

میں الفت مژگاں میں جو انگشت نما ہوں

لگتی ہے مجھے تیر کے مانند ہر انگشت