غم کی محفل سجا کے رویا ھوں

غم کی محفل سجا کے رویا ھوں 

درد دل میں بسا کے رویا ھوں 

اے محبت مجھے دلاسے دے

میں تیرے دکھ اٹھا کے رویا ھوں 

میری حالت پہ ہنس رہا تھا وہ

میں جسے دکھ سنا کے رویا ھوں 

ضبط رکھا بچھڑتے وقت اور پھر

اپنے کمرے میں جا کے رویا ھوں 

کب میسر رہا ھے تو مجھ کو

کب تیرے پاس آ کے رویا ھوں 

تیری یادیں تھیں جن سے وابستہ 

ایسی راہوں میں جا کے رویا ھوں 

درد دل میں ھو کچھ کمی مولا 

تیری چوکھٹ پہ آ کے رویا ھوں 

کوئی الــزام تجــھ پــہ نا آئــے

اپنے آنسو چھپا کے رویا ھوں